Құтқарушылар Франция азаматтарының көлігін балшықтан шығарды
Құтқарушылар Франция азаматтарының көлігін балшықтан шығарды
2023 жылдың 2 тамызында сағат 20-дан 12 минут өткен шамасында Арал ауданының Қамыстыбас елді мекенінің тұсында Франция мемлекетінің азаматтарының жеке автокөлігі балшыққа батып қалғаны жөнінде хабарлама түсті. Оқиға орнына Жедел құтқару жасағы жетіп төмендегі жағдайды анықтады. Арал ауданының Қамыстыбас елді мекенінің тұсында елді мекеннен 2 шақырым жерде Франция мемлекетінің азаматы 1993 ж.т. Деланнуа Андриен Бруно Ксавье және 1992 ж.т. Виллиант Матильда Кекли өздерінің жеке меншік мемлекеттік нөмірі СВ 240 ҒА «IVECO» маркалы микро автобусымен туристік мақсатпен ел аралап жүріп, балшыққа батып қалған. Құтқарушылар шет ел азаматтарына жәрдемдесіп, автокөлігін балшықтан шығарып берді. Жолаушылар аман-есен, медициналық көмекті қажет етпеді. Сонымен бірге құтқарушылар оларды аман-есен жолға салып жіберді. Олар құтқарушыларға алғыс білдірді.
Қызылорда облысы ТЖД
